Онлайн
Արցախն աջակցում է Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշի` աշխարհի բոլոր անկյուններում գլոբալ հրադադար հաստատելու կոչին։ Այս մասին նշված է Արցախի Հանրապետության արտաքին գործերի նախարարության «Թվիթեր»-ի միկրոբլոգում:
«Արցախը վերահաստատում է իր լիարժեք հավատարմությունը Լեռնային Ղարաբաղ-Ադրբեջան հակամարտության գոտում հրադադարի ռեժիմի պահպանմանը: Այս ճգնաժամային պահին ողջ մարդկության ջանքերը պետք է ուղղվեն COVID-19-ի դեմ պայքարին»,-ասված է հայտարարությունում:
#Artsakh supports @UN SG @AntonioGuterres’ appeal for global ceasefire & reaffirms its adherence to full compliance with the cease-fire regime in the #Azerbaijan-#Karabakh conflict zone.
At this critical stage all efforts of entire humankind should be aimed at combating #COVID19. https://t.co/FEB0xvJQaQ
— MFA of Artsakh (@mfankr) March 24, 2020
Հիշեցնենք՝ ՄԱԿ գլխավոր քարտուղար Անտոնիո Գուտերեշն իր տեսաուղերձում նշել էր, որ ժամանակն է զինված բախումները դնել մի կողմ և միասին կենտրոնանալ հանուն կյանքի իրական պայքարի վրա` Covid-19 համաճարակի դեմ: Նա կոչ էր արել անհապաղ գլոբալ հրադադար հաստատել աշխարհի բոլոր անկյուններում: Հայաստանը ևս լիակատար աջակցություն է հայտնել Գուտերեշի հնչեցրած կոչին:
